ಬೆಂಗಳೂರು: ಲೋಡ್ ಶೆಡ್ಡಿಂಗ್ ಮತ್ತು ಬೆಂಗಳೂರಿನಲ್ಲಿ ವಿದ್ಯುತ್ ದರ ಏರಿಕೆ ವಿಚಾರಕ್ಕೆ ಸಂಬಂಧಿಸಿದಂತೆ ರಾಜ್ಯ ಬಿಜೆಪಿ ಅಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಅವರು ರಾಜ್ಯ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಈ ಬ್ಗಗೆ ಟ್ವೀಟ್ ಮಾಡಿರುವ ಅವರು, “ ಸರ್ಕಾರದಲ್ಲಿ ಪವರ್ ಇಲ್ಲ, ವಿದ್ಯುತ್ ದರ ಏರಿಕೆಗೆ ಕೊನೆಯಿಲ್ಲ!ಮುಖ್ಯಮಂತ್ರಿಗಳಾದ ಸಿದ್ದರಾಮಯ್ಯ ಅವರು ನೀರು, ವಿದ್ಯುತ್ತಿನ ಬೆಲೆ ದುಬಾರಿ ಮಾಡುವ ಮೂಲಕ, ಬೆಂಗಳೂರು ಉಸ್ತುವಾರಿ,
ಡಿಸಿಎಂ ಡಿಕೆ ಶಿವಕುಮಾರ್ ಅವರ ಮೇಲಿನ ಹಗೆಯನ್ನು ಬೆಂಗಳೂರಿನ ಜನತೆಯ ಮೇಲೆ ತೀರಿಸಿಕೊಳ್ಳಲು ಹೊರಟಂತಿದೆ. ಜೀರೋ ಬಿಲ್! ಜೀರೋ ಕರೆಂಟ್ ಹೊಸ ಗ್ಯಾರಂಟಿಯೇ? ಎಂದು ಪ್ರಶ್ನಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರು ಹಬ್ಬದ ಸಂದರ್ಭದಲ್ಲಿ ಸಿಲಿಂಡರ್ ದರ ಇಳಿಕೆ ಮಾಡಿ ದೇಶದ ಜನತೆಗೆ ನೆರವಾದರು. ಆದರೆ ರಾಜ್ಯದ ಎಟಿಎಂ ಸರ್ವುಾರವು ಪದೇ ಪದೇ ವಿದ್ಯುತ್ ದರ ಏರಿಕೆ ಮಾಡುತ್ತಾ ತನ್ನ ಜನ ವಿರೋಧಿ ನೀತಿ ಮುಂದುವರಿಸಿದೆ. ಬಳಕೆಗೆ ವಿದ್ಯುತ್ ಇಲ್ಲ, ದರ ಏರಿಕೆ ಮಾತ್ರ ನಿಲ್ಲಲ್ಲ ಎಂಬ ಹೊಸ ಗ್ಯಾರಂಟಿ ಜಾರಿಮಾಡಿದೆ ಸರ್ಕಾರ ಎಂದು ಟೀಕಿಸಿದ್ದಾರೆ.
