ಬೆಂಗಳೂರು;- ಯುವ ಕಾಂಗ್ರೆಸ್ ಅಧ್ಯಕ್ಷ ಮಹಮ್ಮದ್ ನಲಪಾಡ್ ಅವರು ಮೋಸ್ಟ್ ವಾಂಟೆಡ್ ರೌಡಿ ಜಾನಿ ಅಲಿಯಾಸ್‌ ಸಿದ್ದಾಪುರ ಜಾನಿ ಎಂಬಾತನ ಜೊತೆ ಹಾರಕ್ಕೆ ಕೊರಳೊಡ್ಡಿದ್ದಾರೆ. ನಟೋರಿಯಸ್ ರೌಡಿ ಆಗಿರೋ ಜಾನಿ, ಡಕಾಯಿತಿ, ಗಾಂಜಾ, ಕೊಲೆ, ಕೊಲೆ ಯತ್ನ ಪ್ರಕರಣದಲ್ಲಿ ಬೇಕಾಗಿದ್ದು, ಪೊಲೀಸರ ಕೈಗೆ ಸಿಗದೆ ತಲೆ ಮರೆಸಿಕೊಂಡಿದ್ದಾನೆ. ಇದೀಗ ಅಂಥ ವ್ಯಕ್ತಿ ಜೊತೆ ನಲಪಾಡ್ ಕಾಣಿಸಿಕೊಂಡಿದ್ದು ತೀವ್ರ ಟೀಕೆಗೆ ಗುರಿಯಾಗಿದೆ.
ಗುರುವಾರ ಬೆಂಗಳೂರಿನ ಸಿದ್ದಾಪುರದಲ್ಲಿ ನಡೆದ ಜಾತ್ರಾ ಕಾರ್ಯಕ್ರಮದಲ್ಲಿ ನಲಪಾಡ್ ಭಾಗಿಯಾಗಿದ್ರು. ಈ ವೇಳೆ ರೌಡಿ ಜಾನಿ ಕೂಡ ಜೊತೆಯಲ್ಲೇ ಇದ್ದಾನೆ. ಈ ವೇಳೆ ಫೇಸ್ ಬುಕ್ ಲೈವ್ ಮಾಡಿ ತಮ್ಮ ಖಾತೆಯಲ್ಲಿಯೇ ನಲಪಾಡ್ ಶೇರ್ ಮಾಡಿಕೊಂಡಿದ್ದಾರೆ. ಇದರಲ್ಲಿಯೂ ರೌಡಿಯನ್ನು ಕಾಣಬಹುದಾಗಿದೆ.
