ಕಿಂಗ್ ಖಾನ್ ಜವಾನ್ ಜ್ವಾಲೆ ಧಗಧಗಿಸ್ತಿದೆ. ಎಲ್ಲೆಲ್ಲೂ ಜವಾನ್ ಫೀವರ್ ಜೋರಿದೆ. ಜಸ್ಟ್ 4 ದಿನಕ್ಕೆ 500 ಕೋಟಿ ಕ್ಲಬ್ ಸೇರಿರುವ ಬಾಲಿವುಡ್ ಬಾದ್ ಷಾ ಶಾರುಖ್ ಖಾನ್ ಸಿನಿಮಾ ದೊಡ್ಡ ಮಟ್ಟದ ಕ್ರೇಜ್ ಕ್ರಿಯೇಟ್ ಮಾಡಿದೆ. ಅಟ್ಲಿ ಟೇಕಿಂಗ್, ಶಾರುಖ್ ಆಕ್ಟಿಂಗ್ ಗೆ ಚಪ್ಪಾಳೆ ಬೀಳ್ತಿವೆ. ಅನಿರುದ್ಧ್ ಮ್ಯೂಸಿಕ್ ಕಿಕ್, ನಯನ್ ತಾರಾ ಗ್ಲಾಮರ್ ಮ್ಯಾಜಿಕ್ ವರ್ಕೌಟ್ ಆಗಿದೆ. ದಕ್ಷಿಣ ಸಿನಿಮಾರಂಗದಲ್ಲಿ ಲೇಡಿಸೂಪರ್ ಸ್ಟಾರ್ ಆಗಿ ಮೆರೆಯುತ್ತಿರುವ ನಯನ್ ತಾರಾ ಜವಾನ್ ಮೂಲಕ ಹಿಂದಿ ಸಿನಿಮಾರಂಗ ಸ್ಪರ್ಶಿಸಿದ್ದಾರೆ. ಮೊದ್ಲೇ ಚಿತ್ರವೇ ಸೂಪರ್ ಹಿಟ್. ಹೀಗಾಗಿ ಸೂಪರ್ ಬ್ಯೂಟಿಗೆ ಬೇಜಾನ್ ಡಿಮ್ಯಾಂಡ್ ಕ್ರಿಯೇಟ್ ಆಗಿದೆ.
ನಯನ್ ತಾರಾ..ಬರೀ ನಾಯಕನ ಪಕ್ಕದಲ್ಲಿ ನಿಲ್ಲುವ ಬರೀ ನಾಯಕಿಯಲ್ಲ. ಮಹಿಳಾಪ್ರಧಾನ ಸಿನಿಮಾಗಳಲ್ಲಿಯೂ ನಟಿಸಿ ಸೈ ಎನಿಸಿಕೊಂಡಾಕೆ..ಜವಾನ್ ಗೆಲುವಿನ ಸಂಭ್ರಮದಲ್ಲಿರುವ ಲೇಡಿಸೂಪರ್ ಸ್ಟಾರ್ ಮತ್ತೆರೆಡು ಮಹಿಳಾ ಪ್ರಧಾನ ಚಿತ್ರಗಳಿಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಅತ್ತ ಹಿಂದಿ ಸಿನಿಮಾರಂಗದ ಖ್ಯಾತ ನಿರ್ಮಾಪಕರು, ನಿರ್ದೇಶಕರು ಈ ಸೂಪರ್ ಚೆಲುವೆಯ ಮನೆ ಬಾಗಿಲು ತಟ್ಟುತ್ತಿದ್ದಾರೆ. ಆಫ್ ಕೋರ್ಸ್ ಎಲ್ಲವೂ ಜವಾನ್ ಮಹಿಮೆ. ನಯನ್ ಡಿಮ್ಯಾಂಡ್ ಹೆಚ್ಚಿದೆ ಅದ್ಮೇಲೆ ಆಕೆ ಸಂಭಾವನೆ ಹೆಚ್ಚಲೇಬೇಕು. ಶಾರುಖ್ ಖಾನ್ ಜೊತೆ ನಟಿಸೋದಿಕ್ಕೆ ಬರೋಬ್ಬರಿ 11 ಕೋಟಿ ಪಡೆದಿದ್ದ ನಯನ್ ಈಗ ಹೊಸ ಚಿತ್ರಗಳಿಗೂ ಇದೇ ಫಾರ್ಮೂಲ ಅಪ್ಲೈ ಮಾಡ್ತಿದ್ದಾರಂತೆ, ಸಂಭಾವನೆ ಜಾಸ್ತಿ ಕೊಡಿ ಅಂತಿದ್ದಾರಂತೆ. 10 ಕೋಟಿಗೂ ಅಧಿಕ ಹಣ ಬೇಡಿಕೆ ಇಡ್ತಿದ್ದಾರಂತೆ,. ಲೇಡಿ ಸೂಪರ್ ಸ್ಟಾರ್ ಸಂಭಾವನೆ ಮ್ಯಾಟರ್ ಕೇಳಿ ತಮಿಳು ನಿರ್ಮಾಪಕರು ಕಂಗಾಲಾಗಿದ್ದಾರಂತೆ.
