ಬಾದಾಮಿ ಅತಿ ಆರೋಗ್ಯಕರ ಎಂಬ ಅಂಶದಲ್ಲಿ ಯಾವುದೇ ಅನುಮಾನವಿಲ್ಲ. ಆದರೆ ಇವನ್ನು ಒಣದಾಗಿರುವಂತೆಯೇ ತಿಂದರೆ ಹೆಚ್ಚು ಪ್ರಯೋಜನ ಪಡೆಯಲು ಸಾಧ್ಯವಿಲ್ಲ. ಇದರಲ್ಲಿರುವ ಹೆಚ್ಚಿನ ಕ್ಯಾಲೋರಿಗಳು, ಒಮೆಗಾ-ವಿಟಮಿನ್ನುಗಳು ನಮ್ಮ ಮೆದುಳನ್ನು ಚುರುಕುಗೊಳಿಸಲು ಬಳಸಲ್ಪಡಬೇಕಾದರೆ ಇವನ್ನು ನೆನೆಸಿಟ್ಟು ಮರುದಿನ ತಿನ್ನಬೇಕು. ಬಾದಾಮಿ ನೈಸರ್ಗಿಕ ಕೊಬ್ಬಿನ ಪ್ರಮುಖ ಮೂಲವಾಗಿದ್ದು ದಿನದ ಅಗತ್ಯದ ಪ್ರೋಟೀನುಗಳನ್ನೂ ಒದಗಿಸುತ್ತವೆ. ಎಲ್ಲರೂ ಬಾದಾಮಿ ಒಳ್ಳೆಯದು ಎಂದೇನೋ ಹೇಳುತ್ತಾರೆ. ಆದರೆ ಏಕಾಗಿ? ಗೊತ್ತಿಲ್ಲದಿದ್ದರೆ ಕೆಳಗಿನ ವಿವರಗಳು ಏಕೆ ಎಂದು ವಿವರಿಸುತ್ತವೆ:
ಪೋಷಕಾಂಶಗಳಿಂದ ಸಮೃದ್ಧವಾಗಿದೆ
ಪೋಷಕಾಂಶಗಳ ಮಟ್ಟಿಗೆ ಬಾದಾಮಿಯೊಂದು ಆಗರವೇ ಹೌದು. ಇವು ದಿನದ ಅಗತ್ಯತೆಯ 37%ರಷ್ಟು ಪೋಷಕಾಂಶಗಳನ್ನು ಒದಗಿಸುತ್ತವೆ. ಜೀರ್ಣಕಾರಿ ಕಿಣ್ವಗಳಿಂದ ಕೊಬ್ಬನ್ನು ಪಡೆಯಲು ಸಾಧ್ಯವಿಲ್ಲದ ಕಾರಣ ನಮ್ಮ ದೇಹವು 10 ರಿಂದ 15% ಕ್ಯಾಲೊರಿಗಳನ್ನು ಹೀರಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಇದರ ಹೊರತಾಗಿಯೂ, ಬಾದಾಮಿಯಲ್ಲಿ ಮೆಗ್ನೀಸಿಯಮ್, ಮ್ಯಾಂಗನೀಸ್, ಏಕ ಏಕ ಅಸಂತೃಪ್ತ ಕೊಬ್ಬುಗಳು ಮತ್ತು ಪ್ರೋಟೀನ್ಗಳಿವೆ.
ಬಾದಾಮಿಯಲ್ಲಿರುವ ವಿಟಮಿನ್ ಇ ಅಂಶವು ನಿಮಗೆ ನಯವಾದ ಮತ್ತು ಹೊಳೆಯುವ ಕೂದಲನ್ನು ನೀಡುತ್ತದೆ. ಇದಲ್ಲದೆ, ಬಾದಾಮಿಯ ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳು ಮುಕ್ತ-ಆಮೂಲಾಗ್ರ ಹಾನಿಯನ್ನು ತಡೆಗಟ್ಟಲು ಮತ್ತು ಕರುಳಿನ ಕ್ಯಾನ್ಸರ್ ಬೆಳವಣಿಗೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ನೆನೆಸಿದ ಬಾದಾಮಿಯಲ್ಲಿರುವ ಫೋಲಿಕ್ ಆಮ್ಲ ಗರ್ಭಧಾರಣೆಯ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ.
ಹೃದಯಸಂಬಂಧಿ ತೊಂದರೆಗಳಿಂದ ರಕ್ಷಣೆ ಒದಗಿಸುತ್ತದೆ
ಬಾದಾಮಿಯಲ್ಲಿರುವ ಫ್ಲೇವನಾಯ್ಡುಗಳು ಮತ್ತು ಆರೋಗ್ಯಕರ ಕೊಬ್ಬಿನ ಆಮ್ಲಗಳು ಏಕ ಅಸಂತೃಪ್ತ ಆಮ್ಲಗಳಾಗಿವೆ ಅಥವಾ MUFA (monounsaturated fatty acid).ಇವು ನಿಮ್ಮ ಹೃದಯರಕ್ತನಾಳದ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ನಿಮ್ಮ ದೇಹದಲ್ಲಿನ ಉತ್ಕರ್ಷಣ ನಿರೋಧಕ ಅಂಶಕ್ಕೆ ಪೂರಕವಾಗಿರುತ್ತದೆ. ಫ್ಲೇವನಾಯ್ಡುಗಳು ಉರಿಯೂತವನ್ನು ತಡೆಗಟ್ಟುತ್ತವೆ, ಹಾಗೂ ವಿಟಮಿನ್ ಇ ಮತ್ತು ಇತರ ಪೋಷಕಾಂಶಗಳು ದೇಹದಲ್ಲಿರುವ ಕೊಲೆಸ್ಟ್ರಾಲ್ ಮಟ್ಟವನ್ನು ನಿಯಂತ್ರಿಸುತ್ತವೆ.
ವಾಸ್ತವವಾಗಿ, ಬಾದಾಮಿ ನಿಮ್ಮ ಎಲ್ ಡಿ ಎಲ್ ಅಥವಾ “ಕೆಟ್ಟ” ಕೊಲೆಸ್ಟ್ರಾಲ್ ಮಟ್ಟವನ್ನು ಹೇಗೆ ಕಡಿಮೆ ಮಾಡುತ್ತದೆ ಮತ್ತು ಆರೋಗ್ಯಕರ ಅಪಧಮನಿಗಳನ್ನು ನಿರ್ಮಿಸುತ್ತದೆ, ಕಟ್ಟಿಕೊಂಡಿರುವ ನಾಳಗಳನ್ನು ಹೇಗೆ ತೆರವುಗೊಳಿಸುತ್ತದೆ, ಮತ್ತು ಅಂಟಿಕೊಳ್ಳುವ ಜಿಡ್ಡಿನ ಉತ್ಪಾದನೆಯನ್ನು ಹೇಗೆ ತಡೆಯುತ್ತದೆ ಎಂಬುದನ್ನು ತೋರಿಸುವ ಅಧ್ಯಯನಗಳಿವೆ. ಅಂದರೆ ರಕ್ತದಲ್ಲಿ ಎಷ್ಟು ಕಡಿಮೆ ಜಿಡ್ಡು ಇರುತ್ತದೋ, ಅಷ್ಟೂ ಹೆಚ್ಚು ರಕ್ತದೊತ್ತಡ ನಿಯಂತ್ರಣದಲ್ಲಿರಲು ಸಾಧ್ಯವಾಗುತ್ತದೆ.
ಅನಗತ್ಯ ಸೇವನೆಯನ್ನು ತಡೆಯುತ್ತದೆ
ಬಾದಾಮಿಯಲ್ಲಿ ಉತ್ತಮ ಪ್ರಮಾಣದ ಪ್ರೋಟೀನ್, ಕೊಬ್ಬುಗಳು ಮತ್ತು ಕರಗುವ ನಾರು ಇದೆ. ಕೆಲ ಬಾದಾಮಿಗಳ ಸೇವನೆಯಿಂದ ಅನಗತ್ಯ ಆಹಾರ ಸೇವನೆಯ ಬಯಕೆ ಉಡುಗುತ್ತದೆ. ಅಗತ್ಯಕ್ಕೆ ತಕ್ಕಷ್ಟು ಆರೋಗ್ಯಕರ ಆಹಾರ ಸೇವಿಸಿದರೆ ಆರೋಗ್ಯ ತನ್ನಿಂತಾನೇ ಉತ್ತಮಗೊಳ್ಳುತ್ತದೆ. ತನ್ಮೂಲಕ ತೂಕ ಇಳಿಕೆಗೆ ಪರೋಕ್ಷವಾಗಿ ನೆರವಾಗುತ್ತದೆ. ವ್ಯತಿರಿಕ್ತವಾಗಿ ತೂಕ ಹೆಚ್ಚಿಸಿಕೊಳ್ಳಬಯಸುವ ವ್ಯಕ್ತಿಗಳು ಬಾದಾಮಿ ಸೇವನೆಯ ಪ್ರಮಾಣವನ್ನು ಹೆಚ್ಚಿಸಬಹುದು. ಅಧ್ಯಯನದ ಪ್ರಕಾರ ಆರು ತಿಂಗಳ ಕಾಲ ಬಾದಾಮಿ ತಿನ್ನುವ ಮಹಿಳೆಯರ ತೂಕ ಇಳಿಕೆ ಮತ್ತು ಅವರ ಬಿಎಂಐ ನಿಯಂತ್ರಣದ ಕುರಿತು ಆಶ್ಚರ್ಯಕರ ಫಲಿತಾಂಶಗಳು ಲಭಿಸಿವೆ.
ಮನೋಭಾವ ಮತ್ತು ಸ್ಮರಣಶಕ್ತಿಯನ್ನು ಉತ್ತಮಗೊಳಿಸುತ್ತದೆ
ಬಾದಾಮಿಯಲ್ಲಿ ಎಲ್-ಕಾರ್ನಿಟೈನ್ ಮತ್ತು ಇತರ ಪೋಷಕಾಂಶಗಳಿದ್ದು ಇದು ಹೊಸ ಮೆದುಳಿನ ಕೋಶಗಳ ಉತ್ಪಾದನೆ ಮತ್ತು ಬೆಳವಣಿಗೆಗೆ ನೆರವಾಗುತ್ತದೆ. ಅರಿವಿನ ಸಾಮರ್ಥ್ಯಗಳಿಗೆ ಸಂಬಂಧಿಸಿರುವ ಮೆದುಳಿನಲ್ಲಿರುವ ಫೆನಿಲಾಲನೈನ್ ಎಂಬ ರಾಸಾಯನಿಕವು ಸ್ಮರಣಶಕ್ತಿಯನ್ನು ಉತ್ತಮಗೊಳಿಸುತ್ತದೆ ಎಂದು ಸಾಬೀತಾಗಿದೆ. ಬಾದಾಮಿಯಲ್ಲಿರುವ ವಿಟಮಿನ್ ಬಿ6 ಮೆದುಳಿನ ಜೀವಕೋಶಗಳಿಗೆ ಪ್ರೋಟೀನ್ಗಳ ಜೈವಿಕ ಲಭ್ಯತೆಯನ್ನು ಹೆಚ್ಚಿಸುತ್ತದೆ.
ಇದು ನಿಮ್ಮ ಮೆದುಳಿನಲ್ಲಿ ನರಪ್ರೇಕ್ಷಕ ರಾಸಾಯನಿಕ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ ಮತ್ತು ನ್ಯೂರೋಪ್ಲ್ಯಾಸ್ಟಿಕ್ ಅಂಶವನ್ನೂ ಸುಧಾರಿಸುತ್ತದೆ. ಮೆದುಳಿನಲ್ಲಿ ನ್ಯೂರೋಪ್ಲ್ಯಾಸ್ಟಿಕ್ ಅಂಶ ಉತ್ತಮಗೊಂಡಾಗ ನಿಮ್ಮ ಮೆದುಳು ಹೊಸ ಸಿನಾಪ್ಸೆಸ್ (ಮೆದುಳಿನಲ್ಲಿ ಒಂದು ನ್ಯೂರಾನ್ ನಿಂದ ಇನ್ನೊಂದಕ್ಕೆ ವಿದ್ಯುತ್ ಅಥವಾ ರಾಸಾಯನಿಕ ಸಂಕೇತ ರವಾನಿಸುವ ಕ್ಶಮತೆ) ರಚಿಸಲು, ಕೋಶಗಳ ನಡುವೆ ಹೆಚ್ಚಿನ ಸಂಪರ್ಕವನ್ನು ಮಾಡಲು ಮತ್ತು ಹೊಸ ವಿಷಯಗಳನ್ನು ವೇಗವಾಗಿ ಕಲಿಯಲು ಸಾಧ್ಯವಾಗುತ್ತದೆ. ತನ್ಮೂಲಕ ಸುಲಭವಾದ ಕಲಿಕೆ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಉತ್ತಮಗೊಂಡ ಸ್ಮರಣಶಕ್ತಿ ಪಡೆಯಲು ಸಾಧ್ಯವಾಗುತ್ತದೆ.
ಮೂಳೆಗಳ ಸಾಂದ್ರತೆ ಹೆಚ್ಚಿಸುತ್ತದೆ
ನಿತ್ಯದ ಬಾದಾಮಿಯ ಸೇವನೆಯಿಂದ ಮೂಳೆಗಳಿಗೆ ಅಗತ್ಯವಾದ ಕ್ಯಾಲ್ಸಿಯಂ ಪಡೆಯಲು ಸಾಧ್ಯವಾಗುತ್ತದೆ ಹಾಗೂ ಇದು ಮೂಳೆ ಮತ್ತು ಹಲ್ಲುಗಳನ್ನು ಗಟ್ಟಿಗೊಳಿಸಲು ನೆರವಾಗುತ್ತದೆ. ವಯಸ್ಸಾದಂತೆ ಮೂಳೆಗಳಲ್ಲಿ ಗಾಳಿಗುಳ್ಳೆಗಳು ತುಂಬಿ ಟೊಳ್ಳಾಗುವ ಓಸ್ಟಿಯೋಪೋರೋಸಿಸಿ ಎಂಬ ಸ್ಥಿತಿ ಎದುರಾಗದೇ ಇರಲು ನಿಯಮಿತವಾಗಿ ಕ್ಯಾಲ್ಸಿಯಂ ಸೇವಿಸುತ್ತಿರಬೇಕು. ಕೊಂಚ ವ್ಯಾಯಾಮ, ಕೊಂಚ ಬಾದಾಮಿ ಈ ಶಿಥಿಲವಾಗುವಿಕೆಯನ್ನು ನಿಧಾನಗೊಳಿಸಿ ವೃದ್ಧಾಪ್ಯದಲ್ಲಿಯೂ ಗಟ್ಟಿ ಮೂಳೆಗಳನ್ನು ಪಡೆಯಲು ನೆರವಾಗುತ್ತದೆ.
ಜೀರ್ಣಾಂಗಗಳಲ್ಲಿ ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾ ಇರಲು ನೆರವಾಗುತ್ತದೆ
ಜೀರ್ಣಾಂಗಗಳಲ್ಲಿ ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾಗಳಿಗೆ ಬಾದಾಮಿ ಪೂರಕವಾಗಿದೆ. ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾ ಗಳಿದ್ದರೆ ಮಾತ್ರವೇ ನಮ್ಮ ಜೀರ್ಣಾಂಗ ವ್ಯವಸ್ಥೆ ಉತ್ತಮವಾಗಿರಲು ಸಾಧ್ಯ. ಅಲ್ಲದೇ ದೇಹಕ್ಕೆ ಅಗತ್ಯವಿರುವ ಪೋಷಕಾಂಶ ಗಳನ್ನು ಆಹಾರದಿಂದ ಹೀರಿ ದೇಹಕ್ಕೆ ಒದಗಿಸಲೂ ಈ ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾಗಳ ಅಗತ್ಯವಿದೆ. ರಾತ್ರಿ ನೆನೆಸಿಟ್ಟ ಬಾದಾಮಿಯನ್ನು ಬೆಳಿಗ್ಗೆ ತಿನ್ನುವುದರ ಒಂದು ಪ್ರಯೋಜನವೆಂದರೆ ಅದು ನಿಮ್ಮ ಕರುಳಿನ ಕಾರ್ಯವನ್ನು ಉತ್ತಮಗೊಳಿಸುವುದಾಗಿದೆ.
ಪಿ ಎಚ್ ಮಟ್ಟಗಳನ್ನು ಸರಿಪಡಿಸುತ್ತದೆ
ಆಮ್ಲೀಯ ಆಹಾರ ಕ್ಯಾನ್ಸರ್ ಉಂಟುಮಾಡುವ ಕ್ಯಾನ್ಸರ್ ಕಾರಕ ಕಣಗಳು, ಕೆಲವಾರು ಕಾಯಿಲೆಗಳು ಆವರಿಸಲು ಮೂಲವಾಗಿದೆ. ಬಾದಾಮಿ ನಿಮ್ಮ ದೇಹವನ್ನು ಕ್ಷಾರೀಯಗೊಳಿಸುತ್ತದೆ ಮತ್ತು ಅದರ ಪೋಷಕಾಂಶಗಳೊಂದಿಗೆ ದೇಹದಿಂದ ಕಲ್ಮಶಗಳನ್ನು ನಿವಾರಿಸಲು ನೆರವಾಗುತ್ತದೆ. ತನ್ಮೂಲಕ ಇದು ಆರೋಗ್ಯಕರ ಮತ್ತು ಉತ್ತಮವಾಗಿ ಕಾರ್ಯನಿರ್ವಹಿಸುವ ಜೀರ್ಣಾಂಗ ಮತ್ತು ಪ್ರಬಲ ರೋಗನಿರೋಧಕ ವ್ಯವಸ್ಥೆಗೆ ಪಡೆಯಲು ನೆರವಾಗುತ್ತದೆ.
