ಅನಾನಸ್ ಕೇವಲ ಸಕ್ಕರೆಭರಿತ ಹಣ್ಣು ಅಲ್ಲ, ಬದಲಿಗೆ ಹಲವಾರು ಪೋಷಕಾಂಶಗಳನ್ನೂ, ಫೈಟೋ ನ್ಯೂಟ್ರಿಯೆಂಟ್ ಗಳನ್ನೂ ಹೊಂದಿರುವ ಫಲವಾಗಿದ್ದು ಇದರ ಸೇವನೆಯಿಂದ ಫಲವತ್ತತೆ ಹೆಚ್ಚುವುದು, ಉರಿಯೂತ ನಿವಾರಣೆಯಾಗುವುದು ಮತ್ತು ಹೃದಯ ಸಂಬಂಧಿ ಕಾಯಿಲೆಗಳ ಸಾಧ್ಯತೆ ತಗ್ಗುವುದು ಮೊದಲಾದ ಪ್ರಯೋಜನಗಳನ್ನು ಪಡೆಯಬಹುದು.
ಬನ್ನಿ ಹಣ್ಣಿನ ಇನ್ನಷ್ಟು ಆರೋಗ್ಯಕಾರಿ ಪ್ರಯೋಜನಗಳು ಏನು ಎಂಬುದನ್ನು ನೋಡೋಣ..
ಕ್ಯಾನ್ಸರ್ ವಿರುದ್ದ ಹೋರಾಡುತ್ತದೆ
ಬ್ರೋಮಿಲೈನ್ ಪೋಷಕಾಂಶಕ್ಕೆ ಕ್ಯಾನ್ಸರ್ ವಿರುದ್ದ ಹೊರಾಡುವ ಗುಣವಿದೆ ಎಂದು ಸಂಶೋಧನೆಯಲ್ಲಿ ಈಗಾಗಲೇ ಸಾಬೀತುಗೊಳಿಸಲಾಗಿದೆ. ಹೇಗೆ ಎಂದರೆ, ಕ್ಯಾನ್ಸರ್ ಪೀಡಿತ ಜೀವಕೋಶಗಳು ಆರೋಗ್ಯಕರ ಜೀವಕೋಶಗಳನ್ನು ಕ್ಯಾನ್ಸರ್ ಗೆ ಒಳಪಡಿಸಲು ತಡೆಯೊಡ್ಡುವ ಅಪೋಪ್ಟೋಸಿಸ್ (apoptosis) ಎಂಬ ಕ್ರಿಯೆಗೆ ಈ ಬ್ರೋಮಿಲೈನ್ ಪ್ರಚೋದನೆ ನೀಡುತ್ತದೆ. ತನ್ಮೂಲಕ ಕ್ಯಾನ್ಸರ್ ಉಂಟುಮಾಡುವ ಜೀವಕೋಶಗಳ ಮೇಲೆ ಧಾಳಿ ಎಸಗಿ ಆರೋಗ್ಯಕರ ಜೀವಕೋಶಗಳನ್ನು ಮಾತ್ರ ಉಳಿಸಿಕೊಳ್ಳುತ್ತದೆ.
ಅಸ್ತಮಾ ಎದುರಾಗದಂತೆ ಕಾಪಾಡುತ್ತದೆ
ಅನಾನಾಸಿನಲ್ಲಿ ಬೀಟಾ ಕ್ಯಾರೋಟೀನ್ ಎಂಬ ಪೋಷಕಾಂಶಗಳೂ ಉತ್ತಮ ಪ್ರಮಾಣದಲ್ಲಿವೆ. ಇವು ಅಸ್ತಮಾ ರೋಗ ಆವರಿಸುವುದರಿಂದ ತಡೆ ಒಡ್ಡುತ್ತವೆ. ಅಲ್ಲದೇ ಅನಾನಾಸಿನ ನಿಯಮಿತ ಸೇವನೆಯಿಂದ ದೇಹದಲ್ಲಿರುವ ಕಲ್ಮಶಗಳನ್ನು ನಿವಾರಿಸಿ ಉರಿಯೂತದ ವಿರುದ್ದ ಹೋರಾಡುವ ಮೂಲಕ ಆರೋಗ್ಯವನ್ನು ವೃದ್ದಿಸುತ್ತದೆ.
ಅನಾನಸ್ ಹಣ್ಣಿನ ಆರೋಗ್ಯಕಾರಿ ಪ್ರಯೋಜನಗಳು
ವಿಟಮಿನ್ ಸಿ
ರೋಗ ನಿರೋಧಕ ಶಕ್ತಿ ಉತ್ತಮವಾಗಿರಬೇಕೆಂದರೆ ವಿಟಮಿನ್ ಸಿ ಅಗತ್ಯವಾಗಿ ಬೇಕು. ಈ ಪೋಷಕಾಂಶಕ್ಕೆ ಇನ್ನೂ ಹಲವಾರು ಬಗೆಯ ಜವಾಬ್ದಾರಿಗಳಿವೆ. ಅನಾನಾಸಿನಲ್ಲಿ ವಿಟಮಿನ್ ಸಿ ಉತ್ತಮ ಪ್ರಮಾಣದಲ್ಲಿದೆ. ಅನಾನಾಸಿನ ಸೇವನೆಯಿಂದ ರೋಗ ನಿರೋಧಕ ಶಕ್ತಿ ಉತ್ತಮಗೊಳ್ಳುತ್ತದೆ ಹಾಗೂ ತನ್ಮೂಲಕ ಶೀತ, ಕೆಮ್ಮು ಜ್ವರ ಮೊದಲಾದ ವೈರಸ್ ಮತ್ತು ಬ್ಯಾಕ್ಟೀರಿಯಾಗಳ ಮೂಲಕ ಎದುರಾಗುವ ಸೋಂಕುಗಳಿಂದ ರಕ್ಷಿಸುತ್ತದೆ. ಅಷ್ಟೇ ಅಲ್ಲ, ವಿಟಮಿನ್ ಸಿ ಚರ್ಮದ ಆರೈಕೆಗೂ ನೆರವಾಗುತ್ತದೆ. ವಿಶೇಷವಾಗಿ ಬಿಸಿಲಿನ ಆಘಾತಕ್ಕೆ ಒಳಗಾಗಿ ಉರಿ ಎದುರಾಗಿದ್ದ ಚರ್ಮ ಶೀಘ್ರವೇ ಗುಣವಾಗಲು ವಿಟಮಿನ್ ಸಿ ನೆರವಾಗುತ್ತದೆ.
ಜೀರ್ಣಕ್ರಿಯೆ ಸರಾಗವಾಗಲು ನೆರವಾಗುತ್ತದೆ
ಅನಾನಾಸನ್ನು ಆಹಾರದ ಜೊತೆಗೆ ಸೇವಿಸುವ ಮೂಲಕ ಜೀರ್ಣಕ್ರಿಯೆ ಉತ್ತಮಗೊಳ್ಳುತ್ತದೆ. ವಿಶೇಷವಾಗಿ ಪ್ರೋಟೀನುಗಳು ಒಡೆಯಲ್ಪಟ್ಟು ಪೆಪ್ಟೈಟ್ ಮತ್ತು ಅಮೈನೋ ಆಮ್ಲಗಳಾಗಲು ಅನಾನಾಸಿನಲ್ಲಿರುವ ಪೋಷಕಾಂಶಗಳು ನೆರವಾಗುತ್ತವೆ. ಅಲ್ಲದೇ ಅನಾನಾಸಿನಲ್ಲಿ ಉತ್ತಮ ಪ್ರಮಾಣದ ಕರಗುವ ನಾರು, ನೀರಿನಂಶ ಮತ್ತು ಎಲೆಕ್ಟ್ರೋಲೈಟುಗಳಿವೆ. ಇವು ಕರುಳುಗಳಲ್ಲಿ ಆಹಾರದ ಚಲನೆಯನ್ನು ಸುಲಭಗೊಳಿಸುತ್ತವೆ ಹಾಗೂ ಕರುಳಿನ ಹುಣ್ಣು ಮತ್ತು ಆಮ್ಲೀಯತೆ ಉಂಟಾಗುವುದರಿಂದ ರಕ್ಷಣೆ ಒದಗಿಸುತ್ತವೆ.
ಮಾನಸಿಕ ಆರೋಗ್ಯವನ್ನೂ ಕಾಪಾಡುತ್ತವೆ
ಜೀರ್ಣಕ್ರಿಯೆಗೆ ನೆರವಾಗುವ ಜೊತೆಗೇ ಅನಾನಾಸು ಮನೋಭಾವವನ್ನೂ ಉತ್ತಮಗೊಳಿಸುವುದನ್ನು ಕಂಡುಕೊಳ್ಳಲಾಗಿದೆ. ಖಿನ್ನತೆ, ಉದ್ವೇಗ, ಮಾನಸಿಕ ಒತ್ತಡ ಮೊದಲಾದ ಮೆದುಳಿಗೆ ಸಂಬಂಧಿಸಿದ ತೊಂದರೆಗಳಿಂದ ಬಳಲುತ್ತಿರುವ ವ್ಯಕ್ತಿಗಳಿಗೆ ಅನಾನಾಸನ್ನು ಸೇವಿಸಲು ನೀಡಿದಾಗ ಇವರ ಮನೋಭಾವ ಉತ್ತಮಗೊಂಡು ಈ ತೊಂದರೆಗಳು ಸಾಕಷ್ಟು ಮಟ್ಟಿಗೆ ಕಡಿಮೆಯಾಗಿರುವುದನ್ನು ಕೆಲವು ಅಧ್ಯಯನಗಳಲ್ಲಿ ಕಂಡುಕೊಳ್ಳಲಾಗಿದೆ.ಅನಾನಸಿನಲ್ಲಿರುವ ಟ್ರಿಪ್ಟೋಫ್ಯಾನ್ (tryptophan) ಎಂಬ ಪೋಷಕಾಂಶ ಮೆದುಳಿನಲ್ಲಿ ಸೆರೋಟೋನಿನ್ ಎಂಬ ರಸದೂತವನ್ನು ಸ್ರವಿಸಲು ಪ್ರಚೋದನೆ ನೀಡುತ್ತದೆ. ಈ ಸೆರೋಟೋನಿನ್ ಮೆದುಳನ್ನು ನಿರಾಳಗೊಳಿಸುವ ರಸದೂತವಾಗಿದ್ದು ಖಿನ್ನತೆ ಉದ್ವೇಗ ಮೊದಲಾದವುಗಳನ್ನು ಇಲ್ಲವಾಗಿಸಲು ನೆರವಾಗುತ್ತದೆ.
ಅನಾನಾಸಿನ ಸೇವನೆಗೂ ಮಿತಿ ಅಗತ್ಯ
ಅನಾನಾಸು ರುಚಿಕರ ಮತ್ತು ಆರೋಗ್ಯಕರ ಎಂದಾಕ್ಷಣ ಎಷ್ಟು ಬೇಕಾದರೂ ತಿನ್ನಬಹುದು ಎಂದು ಅರ್ಥವಲ್ಲ. ವಾಸ್ತವದಲ್ಲಿ ಸುಮಾರು ನೂರು ಗ್ರಾಂ ನಷ್ಟು ಹಣ್ಣಿನ ತಿರುಳಿನಲ್ಲಿ ದಿನದ ಅಗತ್ಯದ 131 ಶೇಖಡಾದಷ್ಟು ವಿಟಮಿನ್ Cನಮಗೆ ದೊರಕಿಬಿಡುತ್ತದೆ. ಹಾಗಾಗಿ ಒಂದು ದಿನದಲ್ಲಿ ಸುಮಾರು ಎಂಭತ್ತು ಗ್ರಾಂ ಗಿಂತ ಹೆಚ್ಚಿನ ಪ್ರಮಾಣದ ಅನಾನಾಸು ಸೇವಿಸಬಾರದು! ಇದೇ ಕಾರಣಕ್ಕೆ ಈ ಹಣ್ಣಿನ ಮಿತ ಪ್ರಮಾಣವನ್ನು ಇತರ ಅಹಾರಗಳೊಂದಿಗೆ ಬೆರೆಸಿ ಸೇವಿಸುವುದೇ ಆರೋಗ್ಯಕರವಾಗಿದೆ.
ಮೂಳೆಗಳನ್ನು ಸದೃಡಗೊಳಿಸುತ್ತದೆ:
ಅನಾನಸ್ನಲ್ಲಿ ಹೇರಳವಾಗಿರುವ ಮ್ಯಾಂಗನೀಸ್ ನಿಮ್ಮ ಮೂಳೆಗಳನ್ನು ಸದೃಡಗೊಳಿಸಲು ಸಹಾಯಮಾಡುತ್ತದೆ. ಆರೋಗ್ಯಕರ ದೇಹವನ್ನು ಕಾಪಾಡಿಕೊಳ್ಳಲು ಮತ್ತು ನಿಮ್ಮ ಮೂಳೆಗಳನ್ನು ಆರೋಗ್ಯಕರವಾಗಿ ಮತ್ತು ಬಲವಾಗಿಡಲು ನೀವು ಈ ಹಣ್ಣನ್ನು ನಿಮ್ಮ ಆಹಾರದಲ್ಲಿ ನಿಯಮಿತವಾಗಿ ಸೇರಿಸಿ. ಇದು ಬಲವಾದ ಮೂಳೆಗಳನ್ನು ನಿರ್ಮಿಸಲು ಸಹಾಯ ಮಾಡುತ್ತದೆ.
ಬಾಯಿಯ ಆರೋಗ್ಯವನ್ನು ಹೆಚ್ಚಿಸುತ್ತದೆ:
ಅನಾನಸ್ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಮತ್ತು ನಿಮ್ಮ ಒಸಡುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಅನಾನಸ್ ಕ್ಯಾಲ್ಸಿಯಂನ ಉತ್ತಮ ಮೂಲವಾಗಿದ್ದು ಇದು ನಿಮ್ಮ ಹಲ್ಲು ಮತ್ತು ಮೂಳೆಗಳನ್ನು ಕಾಪಾಡುತ್ತದೆ.
ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿದೆ:
ಅನಾನಸ್ನಲ್ಲಿ ಪೌಷ್ಠಿಕಾಂಶದ ಜೊತೆಗೆ ಉತ್ಕರ್ಷಣ ನಿರೋಧಕಗಳು ಹೇರಳವಾಗಿರುವುದರಿಂದ, ಇದು ನಿಮ್ಮ ದೇಹವನ್ನು ಆಕ್ಸಿಡೇಟಿವ್ ಒತ್ತಡದಿಂದ ರಕ್ಷಿಸುತ್ತದೆ. ಸ್ವತಂತ್ರ ರಾಡಿಕಲ್ಗಳು, ಜೀವಕೋಶಗಳನ್ನು ನಾಶಮಾಡುವ ಮತ್ತು ಆಕ್ಸಿಡೇಟಿವ್ ಒತ್ತಡದ ಪ್ರಮುಖ ಮೂಲವಾಗಿರುವ ಅಸ್ಥಿರ ರಾಸಾಯನಿಕಗಳು ದೀರ್ಘಕಾಲದ ಉರಿಯೂತ, ಪ್ರತಿರಕ್ಷಣಾ ವ್ಯವಸ್ಥೆಗಳು, ಹೃದ್ರೋಗ, ಮಧುಮೇಹ ಮತ್ತು ಕೆಲವು ರೀತಿಯ ಕ್ಯಾನ್ಸರ್ಗಳಿಂದ ನಿಮ್ಮನ್ನು ರಕ್ಷಿಸುತ್ತದೆ.
