ಭಾಗಲ್ಪುರ್: ಬಿಹಾರದ ಭಾಗಲ್ಪುರ್ ಜಿಲ್ಲೆಯಲ್ಲಿ ನಡೆದ ಆಘಾತಕಾರಿ ಘಟನೆಯೊಂದರಲ್ಲಿ, ವರನನ್ನು ನೋಡಿದ ವಧು ತನ್ನ ಮದುವೆಯನ್ನು ರದ್ದುಗೊಳಿಸಿದ ಘಟನೆ ನಡೆದಿದೆ.
ಖಾಸಗಿ ಮಾಧ್ಯಮವೊಂದರ ವರದಿಯ ಪ್ರಕಾರ, ರಸಲ್ಪುರ ಪೊಲೀಸ್ ವ್ಯಾಪ್ತಿಯ ಕಹಲ್ಗಾಂವ್ ಮೂಲದ ವಧುವಿನ ಮದುವೆಯನ್ನು ಮೇ 15 ರಂದು (ಸೋಮವಾರ) ಧನೌರಾದ ವರನೊಂದಿಗೆ ನಿಗದಿಪಡಿಸಲಾಗಿತ್ತು ವರದಿಗಳ ಪ್ರಕಾರ, ನಿಗದಿತ ದಿನಾಂಕದಂದು ವರನು ತನ್ನ ಬರಾತ್ ನೊಂದಿಗೆ ವಧುವಿನ ಮನೆಗೆ ಬಂದನು ಮತ್ತು ವರ್ಮಾಲಾ ಸಮಾರಂಭಕ್ಕಾಗಿ ವಧು ಮತ್ತು ವರನನ್ನು ಮದುವೆ ಮಂಟಪಕ್ಕೆ ಕರೆತರುವವರೆಗೆ ಎಲ್ಲವೂ ಸುಗಮವಾಗಿ ನಡೆಯುತ್ತಿತ್ತು.
ವರನನ್ನು ನೋಡಿದ ವಧು ಕೋಪಗೊಂಡಳು ಮತ್ತು ವರನಿಗೆ ಹಾರ ಹಾಕಿ ಮದುವೆ ಆಗೋದಿಲ್ಲ ಅಂತ ಹೇಳಿದ್ದಾಳೆ ಎನ್ನಲಾಗಿದೆ. ಮನವೊಲಿಕೆ ಮಾಡಿದ ನಂತರವೂ, ಹುಡುಗಿ ಯಾರ ಮಾತನ್ನೂ ಕೇಳಲಿಲ್ಲ ಮತ್ತು ವೇದಿಕೆಯಿಂದ ಇಳಿದ ನಂತರ ತನ್ನ ಕೋಣೆಗೆ ಹೋದಳು ಎಂದು ಹೇಳಲಾಗುತ್ತದೆ.
ನಂತರ, ಮದುವೆಯನ್ನು ಏಕೆ ನಿರಾಕರಿಸಿದಿರಿ ಎಂದು ವಧುವನ್ನು ಕೇಳಿದಾಗ, ಹುಡುಗ ಕಪ್ಪು ಮತ್ತು ಅವಳ ವಯಸ್ಸಿಗಿಂತ ತುಂಬಾ ದೊಡ್ಡವನು ಎಂದು ಅವಳು ಹೇಳಿದಳು ಎನ್ನಲಾಗಿದೆ.
