ಮಳೆಗಾಲದ ಆರಂಭದಿಂದಲೇ ನಾವು ವಿವಿಧ ಬಗೆಯ ಸೊಪ್ಪುಗಳನ್ನು ಬಳಸಬಹುದು. ನೈಸರ್ಗಿಕವಾಗಿ ಹಾಗೂ ಋತುಮಾನಗಳಲ್ಲಿ ಸಿಗವುವ ಸೊಪ್ಪು, ತರಕಾರಿ ಹಾಗೂ ಹಣ್ಣುಗಳು ನಮ್ಮ ಆರೋಗ್ಯಕ್ಕೆ ವಿಶೇಷ ರಕ್ಷಣೆ ನೀಡುತ್ತವೆ. ಅವುಗಳಲ್ಲಿ ಇರುವ ಪೋಷಕಾಂಶಗಳು ನಮ್ಮ ದೇಹಕ್ಕೆ ಮಹತ್ತರವಾದ ಆರೋಗ್ಯವನ್ನು ತಂದುಕೊಡುತ್ತವೆ.
ಸೊಪ್ಪುಗಳ ವಿಚಾರಕ್ಕೆ ಬಂದರೆ ಸಾಕಷ್ಟು ವಿವಿಧತೆಯನ್ನು ಕಾಣಬಹುದು. ಅಂತಹ ಸೊಪ್ಪುಗಳಲ್ಲಿ ಸೋರ್ರೆಲ್ ಸೊಪ್ಪು ಸಹ ಒಂದು.
ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯಕ ಹೌದು, ಸೋರ್ರೆಲ್ ಸೊಪ್ಪು ತಿನ್ನುವುದರಿಂದ ರಕ್ತದ ಒತ್ತಡವನ್ನ ನಿಯಮಿತವಾಗಿ ಕಡಿಮೆ ಮಾಡಬಹುದು. ಸಮೃದ್ಧವಾದ ಉತ್ಕರ್ಷಣ ನಿರೋಧಕ ಗುಣವು ದೇಹದಲ್ಲಿ ಇರುವ ಕೆಟ್ಟ ಕೊಲೆಸ್ಟ್ರಾಲ್‍ಗಳನ್ನು ಮತ್ತು ಟ್ರೈಗ್ಲಿಸರೈಡ್‍ಗಳ ಮಟ್ಟವನ್ನು ಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇಂತಹ ಶಕ್ತಿಯು ಈ ಸೊಪ್ಪಿನಲ್ಲಿ ಇರುವುದರಿಂದ ಕೊಲೆಸ್ಟ್ರಾಲ್, ರಕ್ತದೊತ್ತಡದ ಸಮಸ್ಯೆ ಇರುವ ವ್ಯಕ್ತಿಗಳು ಸೇವಿಸಬಹುದು. ಇದು ರಕ್ತದಲ್ಲಿ ಗ್ಲೂಕೋಸ್ ಮಟ್ಟವನ್ನು ಸಮತೋಲನದಲ್ಲಿ ಇರುವಂತೆ ಮಾಡುತ್ತದೆ.
ಚರ್ಮದ ಸೋಂಕಿಗೆ ಪರಿಹಾರ! ವಿವಿಧ ಚರ್ಮದ ಸೋಂಕುಗಳಿಗೆ ಚಿಕಿತ್ಸೆ ನೀಡುವಲ್ಲಿ ಸೋರ್ರೆಲ್ ಎಲೆಗಳು ಪ್ರಮುಖ ಪಾತ್ರವಹಿಸುತ್ತವೆ. ಪ್ರಬಲವಾದ ಮೂಲಿಕೆಯಲ್ಲಿರುವ ಆಂಟಿಆಕ್ಸಿಡೆಂಟ್‌ಗಳು ದೇಹದಿಂದ ಹಾನಿಕಾರಕ ಸ್ವತಂತ್ರ ರಾಡಿಕಲ್‌ಗಳನ್ನು ತೆಗೆದುಹಾಕುವಲ್ಲಿ ಹೆಚ್ಚು ಪರಿಣಾಮಕಾರಿಯಾಗಿದೆ ಮತ್ತು ಅದರ ಆಂಟಿಪ್ರುರಿಟಿಕ್ ಸ್ವಭಾವವು ಎಸ್ಜಿಮಾ, ಸೋರಿಯಾಸಿಸ್, ಸ್ಕೇಬೀಸ್, ಮೊಡವೆ, ಬಿಸಿಲು ಮುಂತಾದ ಅಲರ್ಜಿಯ ಪರಿಸ್ಥಿತಿಗಳಿಂದ ಉಂಟಾಗುವ ತುರಿಕೆ ಸಂವೇದನೆಯನ್ನು ನಿವಾರಿಸುತ್ತದೆ.
ತೂಕ ಇಳಿಸಲು ಸಹಾಯ ಹೌದು, ದಿನನಿತ್ಯದ ಆರೋಗ್ಯ ಪದಾರ್ಥದಿಂದಾಗಿ ಸಾಕಷ್ಟು ಜನ ತಮ್ಮ ದೇಹದ ತೂಕನ್ನ ಇಳಿಸಲು ಸಾಕಷ್ಟು ಪ್ರಯತ್ನವನ್ನ ಪಡುತ್ತಿರುವುದನ್ನ ನಾವು ನೀವು ಗಮನಿಸಿದ್ದೇವೆ. ಆದರೆ, ಈ ಸೊಪ್ಪಿನ ಬಗ್ಗೆ ತಿಳಿದಾಗ ಮಾತ್ರ, ಇದರ ಮಹತ್ವ ಏನು ಎಂಬುದು ಗೊತ್ತಾಗುತ್ತದೆ. ಸೋರ್ರೆಲ್ಲ ಅಥವಾ ಗೊಂಗುರಾ ಎಂದು ಕರೆಯಲ್ಪಡುವ ಈ ಸೊಪ್ಪಿನಲ್ಲಿ ಜೀವಸತ್ವಗಳು, ಖನಿಜಗಳು ಮತ್ತು ಕಾರ್ಬ್‍ಗಳು ಅಧಿಕ ಪ್ರಮಾಣದಲ್ಲಿವೆ. ಇವು ದೇಹದ ಕ್ಯಾಲೋರಿಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ತಜ್ಞರ ಪ್ರಕಾರ ಈ ಎಲೆಗಳನ್ನು ನಿಯಮಿತವಗಿ ಸೇವಿಸುವುದು ಅಥವಾ ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳುವುದರ ಮೂಲಕ ದೇಹದ ತೂಕವನ್ನು ಗಮನಾರ್ಹ ಕಡಿಮೆ ಮಾಡಲು ಸಹಾಯಕವಾಗಿದೆ. ಕಣ್ಭಿನ ಆರೋಗ್ಯಕ್ಕೆ ಸಹಾಯಕ ಇನ್ನೂ ಸೋರ್ರೆಲ್ ಸೊಪ್ಪಿನಲ್ಲಿ ವಿಟಮಿನ್ ಎ ಸಮೃದ್ಧವಾಗಿದೆ. ಇದನ್ನು ಗಣನೀಯವಾಗಿ ಆಹಾರದಲ್ಲಿ ಸೇರಿಸಿಕೊಳ್ಳುವುದು ಅಥವಾ ವಿಶೇಷ ಔಷಧವನ್ನಾಗಿ ಬಳಸುವುದರಿಂದ ಕಣ್ಣಿಗೆ ಸಂಬಂಧಿಸಿದ ಆರೋಗ್ಯ ಸಮಸ್ಯೆಯನ್ನು ನಿವಾರಿಸಬಹುದು.
ದೃಷ್ಟಿ ದೋಷ ಮತ್ತು ರಾತ್ರಿ ಕುರುಡಿನಂತಹ ಸಮಸ್ಯೆಯನ್ನು ಸುಲಭವಾಗಿ ನಿವಾರಿಸಲು ಸಹಾಯಕವಾಗಿದೆ. ಇನ್ನೂ ಈ ಸೊಪ್ಪನ್ನು ಆಹಾರ ಕ್ರಮದಲ್ಲಿ ಸೇರಿಸಿಕೊಂಡರೆ ಆರೋಗ್ಯದಲ್ಲಿ ಅದ್ಭುತ ಬದಲಾವಣೆ ತರಲು ಸಹಾಯಕವಾಗಿದೆ. ಈ ಸೊಪ್ಪಿನಲ್ಲಿ ಸಾಕಷ್ಟು ಔಷಧೀಯ ಗುಣಗಳಿವೆ. ಅವು ಶೀತ, ಜ್ವರ ಮತ್ತು ಋತುಮಾನದ ಬದಲಾವಣೆಯಿಂದ ಉಂಟಾಗುವ ಆರೋಗ್ಯ ಸಮಸ್ಯೆಗಳನ್ನು ಸುಲಭವಾಗಿ ನಿವಾರಿಸುತ್ತವೆ. ಅಲ್ಲದೇ ಹಲವು ರೀತಿಯ ಅಲರ್ಜಿಗಳಿಗೂ ಈ ಸೊಪ್ಪು ನಿವಾರಿಸುತ್ತದೆ. ಜೀರ್ಣಕ್ರಿಯೆಯನ್ನು ಉತ್ತಮ ಗೊಳಿಸಿ, ಮಲಬದ್ಧತೆ, ಹೊಟ್ಟೆ ಉಬ್ಬರ, ಹಸಿವಿನ ತೊಂದರೆಗಳನ್ನು ನಿವಾರಿಸುವುದು. ಈ ಎಲೆಯ ರಸವು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಕ್ಯಾನ್ಸರ್ ತಡೆಗಟ್ಟುತ್ತದೆ ತಾಜಾ ಸೋರ್ರೆಲ್ ಎಲೆಗಳಲ್ಲಿ ಇರುವ ಆಕ್ಸಾಲಿಕ್ ಆಮ್ಲವು ಕ್ಯಾನ್ಸರ್ ಮತ್ತು ಗೆಡ್ಡೆಗಳಿಗೆ ತಡೆಗಟ್ಟುವ ಕ್ರಮವಾಗಿ ಕಾರ್ಯನಿರ್ವಹಿಸುತ್ತದೆ. ಆದರೆ ನಿಮ್ಮ ಸೇವನೆಯನ್ನು ಮಿತಿಗೊಳಿಸಲು ಮರೆಯದಿರಿ ಏಕೆಂದರೆ ಅತಿಯಾದ ಸೇವನೆಯು ಹಾನಿಕಾರಕವಾಗಿದೆ. ಸೋರ್ರೆಲ್ ಎಲೆಗಳು ಕ್ಲೋರೊಫಿಲ್ ಮತ್ತು ಕ್ಯಾರೊಟಿನಾಯ್ಡ್‌ಗಳನ್ನು ಒಳಗೊಂಡಿರುವ ಅನೇಕ ಜೀವಸತ್ವಗಳು ಮತ್ತು ಖನಿಜಗಳನ್ನು ಸ್ತನ ಕ್ಯಾನ್ಸರ್ ವಿರುದ್ಧ ಹೋರಾಡಲು, ತಡೆಗಟ್ಟಲು ಮತ್ತು ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ.
ನಿದ್ರಾಹೀನತೆ ಮತ್ತು ಅಧಿಕ ರಕ್ತದೊತ್ತಡಕ್ಕೆ ಚಿಕಿತ್ಸೆ ಅಧಿಕ ರಕ್ತದೊತ್ತಡವು ನಿದ್ದೆಯಿಲ್ಲದ ರಾತ್ರಿಗಳಿಗೆ ಕಾರಣವಾಗಬಹುದು. ಮತ್ತು ಉತ್ತಮ ನಿದ್ರೆ ಮಾಡುವುದು ಎಷ್ಟು ಮುಖ್ಯ ಎಂದು ನಿಮಗೆ ತಿಳಿದಿದೆ. ನೀವು ನಿದ್ರೆಯಿಂದ ವಂಚಿತರಾಗಿದ್ದರೆ ಮತ್ತು ನಿಮ್ಮ ಸಮಸ್ಯೆಯನ್ನು ಪರಿಹರಿಸಲು ಪರಿಹಾರವನ್ನು ಹುಡುಕುತ್ತಿದ್ದರೆ, ಇಲ್ಲಿದೆ ಸಹಾಯ. ಒಂದು ಲೋಟ ಸೋರ್ರೆಲ್ ಚಹಾವನ್ನು ಕುಡಿಯಿರಿ ಅಥವಾ ನಿಮ್ಮ ಸಲಾಡ್‌ಗೆ ಕೆಲವು ಗಿಡಮೂಲಿಕೆಗಳನ್ನು ಸೇರಿಸಿ. ಸೋರ್ರೆಲ್ ಎಲೆಗಳನ್ನು ನಿದ್ರಾಹೀನತೆ ಮತ್ತು ಅಧಿಕ ರಕ್ತದೊತ್ತಡಕ್ಕೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ.
